Bakı-Sumqayıt şosesində ölümlə nəticələnən yol qəzası baş verib.
Hadisə yolun Abşeron rayonu ərazisindən keçən hissəsində qeydə alınıb.
Belə ki, Xırdalan şəhərində 1990-cı il təvəllüdlü Məmmədov Sahil Əfsər oğlu idarə etdiyi 90-EH-176 dövlət qeydiyyat nişanlı "VAZ-2106" markalı avtomobillə hərəkətdə olarkən idarəetməni itirib. Nəticədə dəmir arakəsməyə çırpılan avtomobil aşıb. Sürücü S.Məmmədov ölüb, onun sərnişini 1990-cı il təvəllüdlü Əliyev Aydın İlqar oğlu xəsarət alaraq xəstəxanaya yerləşdirilib.
Qeyd edək ki, xəsarət alan sərnişin A.Əliyev ölən sürücünün qaynıdır. Qəza nəticəsində ölən S.Məmmədov 1 ay öncə ailə qurubmuş. O, evin tək övladı olub.
Faktla bağlı araşdırma aparılır.
![](https://report.az/storage/news/c23e9c2b7a01046f7cadec212377e556/3a735d26-bd02-48f8-a299-fd33830f9467_640.jpg)
![](https://report.az/storage/news/c23e9c2b7a01046f7cadec212377e556/23643d87-87ef-443d-a23f-3b864f01d618_640.jpg)
![](https://report.az/storage/news/c23e9c2b7a01046f7cadec212377e556/2a42efb0-240e-45d9-965d-36af44bcc9d3_640.jpg?1496038071768)
![](https://report.az/storage/news/c23e9c2b7a01046f7cadec212377e556/1d215097-9803-4976-ad38-96b574b2b415_640.jpg)