Lənkəran rayonunda külək fəsadlar törədib.
Unikal.org "Report"un Cənub bürosuna istinadən xəbər verir ki, 10 dəqiqə ərzində əsən güclü külək ağacları aşırıb, evlərin dam örtüklərinə ziyan vurub.
Heydər Əliyev prospektində mağazalardan birinin dam örtüyü yerindən qoparaq yaxınlıqdakı evlərdən birinin üzərinə düşüb. Bundan əlavə, ağacların qırılması nəticəsində elektrik təsərrüfatına da ziyan dəyib. Hazırda rayonun bir çox ərazilərində enerji verilişi dayandırılıb.
