Dünən Siyəzəndə tanınmış şair Eyvaz Qurbanovun (Yetim Eyvaz) qəfil ölümünün səbəbi müəyyənləşib.
Unikal.org lent.az-a istinadən xəbərinə görə, Siyəzən rayon Mərkəzi Xəstəxanasından bildirilib ki, 1952-ci il təvəllüdlü Eyvaz Qurbanov tromboemboliya səbəbindən vəfat edib. Bildirilib ki, şairin damarlarında tromblaşma varmış. Dünən səhər saatlarında damar yolu ilə tromb onun ürəyinə gedib və ölümünə səbəb olub.
Qeyd edək ki, Yetim Eyvaz dünən yaşadığı Qəhər kəndində dəfn edilib.
