Sumqayıtda 5 yaşlı uşağın it dişləməsi nəticəsində quduzluq xəstəliyindən ölməsi barədə xəbərlər sosial şəbəkədə geniş müzakirə olunur.
Quduzluq nədir?
Quduzluq zoonoz infeksiyadır və onun virusununəsas rezervuarı ət yeyən heyvanlar: tülkülər, çaqqallar, canavarlar (təbii epizootiyalar) və həmçinin ev heyvanları: itlər, pişiklər (şəhər epizootiyaları) sayılırlar. Yoluxma əsasən dişləmə və ya zədələnmiş dəri örtüklərinə infeksiyalaşmış ağız suyunun bulaşması ilə baş verir. İnsandan bir qayda olaraq virus ötürülmür. Virus inkubasiya dövrünün sonuncu 7-10-cu günündən başlayaraq bütün xəstəlik dövrü ifraz olunur. İnsan bir çox yırtıcı heyvanlardan fərqli olaraq daha həssasdır. Xəstəliyə yoluxma halları ən çox kənd əhalisi arasında və xüsusən də uşaqlarda, mövsumi olaraq yaz-payız aylarında çox rast gəlinir.
Tibb elmləri doktoru, professor Adil Qeybulla Unikal.org-a bildirib ki, quduzluq virusu ilk növbədə sinir hüceyrələrinə keçərək sinir impulslarının fəaliyyətini pozur: "Nəticədə müəyyən əlamətlər baş verir. Xəstədə sudan, işıqdan qorxma kimi hallar yaranır. Sinir pozğunluğunun sonunda ölüm baş verir. Buna görə də quduzluq xəstəliyinin profilaktikasına ciddi fikir vermək lazımdır. Heyvan aqressiv vəziyyətdə insanı dişləyir. Adətən xəstə heyvanlar aqressiv vəziyyətdə olurlar. Ona görə də həmin heyvan müşahidə altında olmalıdır. Xəstəyə ilk gündən profilaktik olaraq vaksin vurulmalıdır. Əgər dişləyən itdə iki həftə ərzində xəstəliyin əlamətləri aşkar olunsa, xəstədə mülalicəvi dozada vaksindən istifadə olunur. Həmin virusun təlimatında yazılır ki, 1 faiz halda həmin vaksinin özündən də xəsələnmək mümkündür. Bu şərt də nəzərə alınmalıdır.Sumqayıtdakı hadisəyə gəlincə, A.Qeybulla deyib ki, həkimlər bununla bağlı konkret rəy verməlidirlər: "Dişləyən itin üzərində müşahidə aparılmalıdır. Hər halda ölüm halı araşdırılmalıdır. Bu ya vaksinin özündən əmələ gələn quduzluqdur, ya da xəsəlik kimi itdən keçmiş quduzluqdur. Bununla bağlı həkimlər konkret rəy verməlidirlər.
