Bakıda alimin evindən 1 milyon 200 min manatlıq oğurluq edildiyi iddia olunur.
AMEA Əlyazmalar İnstitutunun direktor müavini Aybəniz Əliyevanın evindən 536 min ABŞ dolları (912 min AZN), 143 min manat dəyərində qızıl-zinət əşyaları oğurlanıb. İddiaya görə, oğurluq etmiş şəxs alimin evində xadimə kimi çalışan Zeynalova Xanım Abduləli qızıdır.
Oğurluqda təqsirləndirirlən qadının atası Abduləli Zeynalov məsələ ilə mətbuata açıqlamasında qızına qarşı irəli sürülən ittihamları qəbul etməyib.
Unikal.org xəbər verir kİ, məsələ ilə bağlı A.Əliyeva ilə əlaqə saxladıq. A.Əliyeva Publika.az-a xaricdə olduğundan danışa bilmədiyini desə də, bir neçə sualımıza cavab verdi:
"Hazırda istintaq gedir, həmin qadına 4 aylıq həbs cəzası verilib. Həmin qadının atası mənim barəmdə artıq-əksik danışdığına görə bu gün ona polislər lazımı cəza verəcəklər. Mənim əşyalarımın hamısını o qadının evindən tapılıb. Əşyalarım onun evindən çıxmasaydı, hüquq mühafizə orqanları onu tutardı? O qadın 3 il müddətində mənim evimdən oğurluq edib.
Evindən qeyd olunan məbləğdə vəsaitin oğurlanması ilə bağlı sualımıza cavabında A.Əliyeva həmin məbləğdən xəbərsiz olduğunu deyib:
"Mən indi xaricdəyəm və həmin yazını oxumamışam. Mən şikayət edirəm ki, istintaq sirrini nə üçün yayıblar? Onun zirzəmisindən mənim əşyalarım tapılıb. Polis mənim qızıl-zinyət əşyalarımın dəyərini hesablayıb. Mən nə yazıldığını bilmirəm. Evimizdən hər şeyimizi-paltarımızı, "pastelimizi, əşyalarımızı aparıblar. Mən hesablamamışam, bilmirəm nə qədər ziyan vurub. Əlimi atdıqca görmüşəm ki, əşyalarım yoxdur. 50 illdir ev-eşik sahibiyəm, uşaq deyiləm. Mən əvvəl ondan şübhələnməmişəm, sonda şübhələndim, polisə müraciət etdim. Polis də hər şeyi üzə çıxartdı.
