Azərbaycan Respublikasının Prezidentinin "Milli iqtisadiyyat və iqtisadiyyatın əsas sektorları üzrə Strateji Yol Xəritələrinin təsdiq edilməsi haqqında Fərmanı ilə digər sahələrdə olduğu kimi "Azərenerji ASC-də yeni keyfiyyət mərhələsinə qədəm qoyub və görülən işlər eyni zamanda Strateji Yol Xəritəsinin Tədbirlər Planına uyğun aparılır.

Bu barədə  ASC-nin İctimaiyyətlə əlaqələr və mətbuat xidmətindən Unikal.org-a daxil olan məlumatda deyilir.

"Azərenerji ASC-nin elektrik stansiyalarında, yarımstansiyalarda, elektrik verilişi xətlərində 2017/2018-ci ilin payız-qış mövsümünə hazırlıqla bağlı yenidənqurma, əsaslı, orta və cari təmir işlərinin aparılmasına dair kompleks tədbirlər planının icrası davam etdirilir. Bunlar Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi çərçivəsində icrası nəzərdə tutulan elektrik stansiyalarının səmərəliliyinin artırılması və mövcud potensialdan səmərəli istifadə edilməsi, elektrik enerjisi itkilərinin azaldılması, elektrik enerjisi verilişinin və paylanmasının keyfiyyətinin yüksəldilməsi kimi prioritet tədbirlərin təkib hissəsidir.
Bu ilin ötən dövrü ərzində "Mingəçevir SES-də 330 kV-lik açıq paylayıcı qurğu və "Varvara SES yenidən qurulub, 1,5 MVt-lik "Balakən və 1,6 MVt-lik "İsmayıllı-2 kiçik SES-ləri istismara verilib.
"Azərbaycan İES və "Şirvan İES-in enerji bloklarında əsaslı təmir, Sumqayıt ES-in və Cə¬nub ES-in buxar-qaz avadanlıq¬larının planlı təftişi aparılıb, profilaktik baxışlar keçirilib. 405 MVt-lik "Şimal-1 elektrik stansiyasının buxar-qaz turbin avadanlıqlarında təftiş keçirilməsi nəzərdə tutulub.
110-500 kV-lik yarımstansiyalarda təsdiq olunmuş təmir cədvəlinə əsasən, avadanlıqların əsaslı və cari təmir işləri yerinə yetirilib, 93 ədəd transformator, 314 ədəd eleqaz açarı, 268 ədəd vakuum açarı əsaslı və cari təmir olunub. Yarımstansiyalarda fiziki və mənəvi cəhətdən köhnəlmiş avadanlıqların yeniləri ilə əvəzlənməsi, müasir mühafizə, idarəetmə və avtomatika panellərinin quraşdırılması işləri davam etdirilir.
Avadanlıqlarda çatışmazlıqları müəyyənləşdirib aradan qaldırmaq üçün 130 ədəd transformator və avtotransformatorda, 377 ədəd müxtəlif tipli açarlarda, 741 ədəd boşaldıcıda, 489 ədəd gər¬ginlik və cərəyan transformatorlarında profilaktik sınaq-yoxlama işləri aparılıb.
500 kV-lik "Abşeron yarımstansiyasında 3 saylı avtotransformatorun yeni tikilmiş 10 kV-lik qapalı paylayıcı qurğusu istismara verilib.
110-500 kV-lik elektrik verilişi xətləri üzrə 525,7 km-dən artıq hava xətti əsaslı təmir edilib. 220 kV-lik ikidövrəli "Şimal ES - "Zabrat YS və "Şimal ES - "Hövsan YS hava xaətlərinin tikinti işləri başa çatdırılmaq üzrədir.
Enerji müəssisələrinin payız-qış mövsümündə hazırlıq səviy¬yəsi cari ilin noyabr ayında "Azərenerji ASC-nin xüsusi komissiyası tərəfindən qiymətləndiriləcək və komissiyanın qərarı əsasında enerji müəssisələrinə "Qışa hazırlıq pasportu veriləcəkdir.
"Azərenerji ASC-nin elektrik stansiyalarının 2017/2018-ci il payız-qış mövsümündə imkan gücü 5470 MVt, pik vaxtlarında tələbat isə 3700 MVt proqnozlaşdırılır.