Dövlət başçısının avtonəqliyyat vasitələrinin və piyadaların rahat və təhlükəsiz gediş-gəlişini təmin etmək istiqamətində verdiyi tövsiyə və tapşırıqlara əsasən həyata keçirilən tədbirlər çərçivəsində Yasamal rayonu Əbdülvahab Salamzadə küçəsində genişləndirilmə işləri aparılıb.

"Azəravtoyol"ASC-dən unikal.org-a verilən məlumata görə, genişləndirilən yol hissəsinin uzunluğu 400 metrdir. Küçənin "Qələbə dairəsi"nə doğru olan hissəsində əsas yolla köməkçi yolu ayıran ayrıcı zolaq ləğv edilib. Nəticədə sözügedən istiqamətdə avtonəqliyyat vasitələrinin rahat və maneəsiz hərəkəti təmin olunub, həmçinin, əlavə olaraq daha bir hərəkət zolağı yaranıb.

Genişləndirmə işləri aparılan hissəyə 2 qat olmaqla yeni asfalt-beton örtüyü döşənib və yola üfiqi nişanlanma xətləri çəkilib.