Fövqəladə Hallar Nazirliyi Sabirabadda 1 nəfərin ölümü, 8 nəfərin xəsarət alması ilə nəticələnən  yol qəzası ilə bağlı məlumat yayıb. 

Unikal.org FHN-nin saytına istinadən verdiyi xəbərə görə, Böhran Vəziyyətlərində İdarəetmə Mərkəzinə daxil olmuş məlumata əsasən, Sabirabad rayonu, Qaragüney kəndində "Mercedes və "AzSamand markalı iki minik avtomobili toqquşub. Hadisə yerinə cəlb olunmuş Dövlət Yanğından Mühafizə Xidmətinin müvafiq xilasetmə qüvvələri "Mercedes markalı avtomobilin sürücüsünü deformasiyaya uğramış nəqliyyat vasitəsindən çıxarıb və aidiyyəti üzrə təhvil veriblər. 

Əməliyyat başa çatıb.