"Əl-Qaidə terror təşkilatının bədnam lideri, ABŞ xüsusi təyinatlıları tərəfindən bir neçə il əvvəl Pakistanda öldürülmüş Üsəma bin Ladenin eyni adlı nəvəsi Üsəma naməlum şəraitdə ölüb.

Unikal.org Virtualaz.org-a istinadən xəbər verir ki, bu barədə "Al Arabia telekanalı sosial şəbəkələrin ərəb seqmentinə istinadən bildirir.

Belə ki, bəzi sosial şəbəkə istifadəçiləri Üsəma bin Ladenin oğlu və terror irsi üzrə varisi Həmzə bin Ladenin anasına və bacılarına göndərdiyi məktubu paylaşıb. Məktub həmzənin anası Hayriye Sabara və bacılarına ünvanlanıb.
Orada deyilir: "Əziz anam, qoy Allah onu və mənim əziz qardaşlarımı qorusun, qoy Allah özü onları, mənim əziz bacılarımı hifz etsin. Ürək ağrısı və Allahın iradəsi ilə mən bizim mərd, şəhid qəhrəmanımızın, Üsəma bin Ladenin nəvəsinin... oğlumuz Üsəmanın ölümü ilə bağlı başsağlığımızı paylaşıram.

12 yaşlı Üsımanın kim və hansı şəraitdə öldürüb, bu barədə heç nə deyilmir. Belə ki, məktubu paylaşanlar onun bəzi detallarını siliblər və beləliklə də nəvə Üsəmanın harada, hansı şəraitdə öldürüldüyü məlum olmayıb.

Lakin vəziyyətlə tanış olan bəzi müşahidəçilərə görə Üsma bin Ladenin nəvəsi yoluxduğu xəstəlik və düzgün tibbi yardım almaması üzündən ölüb. Bu, "Əl-Qaidə uşaqlarının hansı şəraitdə yaşadıqlarına dair növbəti faktdır.

Həmzə Üsəma bin Ladenin çoxsaylı uşaqlarından biridir, atası öldürüləndən bir müddət sonra o, "Əl-Qaidə" liderinin yolunu davam etdirməyə and içdi. Hazırda onun yeri məlum deyil. ABŞ xüsusi xidmət orqanları Həmzəni öldürmək üçün axtarır.