Şamaxı rayonunda intihara cəhd hadisəsi baş verib.

Unikal.org APA-ya istinadən xəbər verir ki, hadisə rayonun Cabanı kəndində qeydə alınıb.

Kənd sakini 1986-cı il təvəllüdlü Dünyamalıyeva Günay Hidayət qızı yaşadığı evdə sirkə turşusu içərək özünü zəhərləyib. O, həyat yoldaşının köməyi ilə təcili olaraq Şamaxı rayon Mərkəzi Xəstəxanasının reanimasiya şöbəsinə çatdırılıb. Qadın sonradan vəziyyəti ağırlaşdığı üçün müalicə üçün Bakıdakı xəstəxanalardan birinə aparılıb.

Üç uşaq anası olan Günay Dünyamalıyevanın özünə qəsd etməsinin səbəbi hələ ki, məlum deyil.

Faktla bağlı Şamaxı rayon Prokurorluğu tərəfindən araşdırma aparılır.