Bakıda yanğınların böyük hissəsi əsasən çoxmənzilli yaşayış binaları ilə bağlıdır. Fövqəladə Hallar Nazirliyinin açıqladığı statistikaya əsasən ölkə üzrə baş verən yanğınların sayına görə 2-ci yeri çoxmənzilli yaşayış binalarında və fərdi evlərdəki yanğınlar tutur. Belə ki, 2017-ci ildə ümumilikdə 12911 yanğın hadisəsi baş verib. 

Unikal.org xəbər verir ki, bunların 7763-ü açıq sahələrə, 2337-si yaşayış binaları və fərdi evlərə aiddir. Yəni, açıq sahələri nəzərə almasaq, yaşayış binaları üzrə yanğın hadisələrinin sayı kifayət qədər yüksəkdir. Digər tərəfdən 2016-cı illə müqayisədə 2017-ci ildə yaşayış binalarında yanğınların sayı artıb. Yanğın halları adətən qış aylarında daha çox olsa da, havaların hələ də soyuq keçməsi mart-aprel aylarında da yaşayış binalarında yanğın hadisələrinin artmasına səbəb olub.

Bəs yaşayış binalarında yanğın nədən baş verir?

Yanğın hadisələri üzrə ekspert Tural Şükürov bildirib ki, yaşayış binalarında və fərdi evlərdən yanğınlar adətən elektrik naqillərində yaranan nasazlıq və yüklənmə ilə bağlı olur. Belə ki, təmir zamanı elektrik sisteminin düzgün qurulmaması, bu zaman kustar üsullardan istifadə edilməsi sonda böyük ziyanla nəticələnir: "Təmir zamanı elektrik işlərini peşəkar usta etmir, elektirik sisteminin sxemi qurulmur, heç bir texniki müqavilə bağlanılmır. Elektrik işlərini kustar, burma üsullarla quran usta görür. Sistemdə yüklənmə olanda naqilin burma şəklində bərkidilən hissəsi qızır və yanar konstruksiyaya keçir. Son nəticədə yanğın baş verir.

"Yeni binalarda yanğına səbəb təbii qazın olmamasıdır

Yeni tikililər və yaşayış komplekslərində gəlincə, T.Şükürov bildirib ki, bu binalarda yanğın hadisələrinin əsas səbəbi təbii qazın verilməməsidir: "Özüm yeni tikilidə yaşayıram və qaz çəkilmədiyi üçün bir il ərzində 3 belə yanğın hadisəsinin şahidi olmuşam.

"Elektirik açarları ev qızdırılması üçün nəzərdə tutulmayıb

Belə ki, bəzi yeni tikililərdə buna görə evlərin qızdırılması üçün elektrikdən istifadə edilir. Yeni tikililərdə isə elektrik avtomatları aşağı dövriyyəyə uyğun qurulub və ümumilikdə istilik üçün elektrikdən istifadə nəzərdə tutulmayıb:"Məsələn, 24 voltluq açardan 50 voltluq cərəyan istifadə olunur. Davamlı istifadə nəticəsində artıq qızma baş verir. 90% hallarda hadisələr elektrik şaxtasında baş verir. Orada mənftillər közərməyə başlayır və yanğın baş verir.

Bəs yaşayış kompleksləri yanğın təhlükəsizliyini necə həyata keçirir?

Məsələ ilə bağlı "Kristal Abşeron şirkətinə müraciət etdik. MTKdan bildirildi ki, sakinlərin təhlükəsizliyi əsas diqqət yetirilən vacib məqamlardan biridir. Kompleks bütün yaşayış binalarında yanğın təhlükəsizliyi ilə bağlı bir sıra məsələlərə diqqət yetirilir:

1. Şaxta məsələsi. Burada şaxtaların quruluşu fərqlidir. Belə ki, bütün binalarda bütün mənzillərin havalandırma çıxışı eyni şaxtaya olursa bizdə hər mənzilin çıxışı ümumu şaxtanın içinədəki böyük kanaladır və bu kanal yanğın baş verərsə termos effekti yaranıb yanğın sürətlə yayılmasın deyə hörülür. Beləliklə təhlükənin sürətlə yayılmasının qarşısı alınır.

2. Daş yunu - inşa edilən bütün binaların fasad materialı daş yunundandır. Bu material həm izolyasiya funksiyasını yerinə yetirir, mənzillərin qışda isti, yayda sərin qalmasını təmin edir, (Rusiya kimi sərt qışı olan ölkədə eyni izolyasiya materialından istifadə edilir) həm də yanğına tam davamlıdır üstəlik enerji xərclərinə 70%dək qənaet edilməsini təmin edir. Beləliklə, mənzildə baş verə biləcək yanğının digər mənzillərə keçmə riskini aradan qaldırır. Qeyd edək ki, material təbii tərkibli daşlardan hazırlanır.

3. Bütün binalarımız qazlaşdırılıb. MTKdan bildirildi ki, yaşayışa təhvil verilmiş bütün binalar qazla təmin edilib. Bu səbəbdən eletrik naqillərində yüklənmələrin baş verməsi mümkün deyil. Bununla belə mənzillər təmirli təhvil verildiyindən istifadə edilən Türkiyə istehsalı elektrik naqillərinin seçiminə və mənzildaxilində düzgün paylanmasına xüsusi diqqət göstərilir.


4. Hər binanın qarşısında yanğına qarşı lövhələr quraşdırılıb. Ordakı yanğın balonları daim yoxlanılır.

5. Binanın hər mərtəbəsində yanğına qarşı təzyiqli su durbası çıxışı və şlanqlar və tüstüyə qarşı qurğular var. Yanğın baş verərsə istənilən sakin yanğın yayılmadan qabaqlayıcı tətdir görə bilər. Blokda tüstü olarsa sistem işə düşür və xəbərdaredici səs verir.

6. Əlavə olaraq toz tərkibli yanğın topundan istifadə edilir. Hər mühafizə otağında bu toplardan mövcuddur. 

7. Mühafizə xidməti. Bütün binalarda 24/7 mühafizə xidməti xidmət göstərir. Bütün ərazilər kamera müşahidə sistemi ilə daim izlənilir. Baş verə biləcək bütün neqativ halların qarşısı vaxtında alınmağı üçün və ya ilkin tədbirlər görülməsinə köməklik göstərilir.