Sumqayıtda oğurluq faktının üstü açılıb.

Unikal.org xəbər verir ki, şəhərin 34-cü məhəlləsində Nadir Şiriyevə məxsus ev 15/16, mənzil 42-dən oğurluq edilib.
Mənzil sahibi hadisəylə bağlı Sumqayıt şəhər Polis İdarəsinin 4-cü polis bölməsinə müraciət edib. Aparılan əməliyyat-axtarış tədbirləri nəticəsində sözügedən mənzildən oğurluq etməkdə şübhəli bilinən Sumqayıt şəhər sakini Əskərov İlqar Əskər oğlu həmin mənzilə növbəti dəfə oğurluğa gələn zaman iş başında yaxalanıb. Saxlanılan şəxs oğurluğa gələn zaman sərxoş vəziyyətdə olub. Mənzildən 1 ədəd plazma televizor,1 ədəd kompyuter və 1 ədəd videokamera oğurlandığı müəyyən edilib. Oğurlanan əşyalar polis tərəfindən sübut kimi götürülüb.