Paytaxt küçələrində bir nəfər balığı avtomobilində asılmış şəkildə daşıyır.

Unikal.org Xezerxeber.az-a istinadən məlumat verir ki, kadrları bir nəfər çəkərək votsapp nömrəsinə göndərib. Aydın olur ki, sürücü 2 kq-a yaxın ağırlığı olan balığı avtomobilin yük yerindən asıb. Onun, balığı satış məqsədi ilə bu şəkildə nümayiş etdirdiyi ehtimal olunur.

Uzun müddətdir paytaxtda balıq satışı ilə məşğul olanlar bildirirlər ki, istər satış məqsədi ilə olsun, istərsə də şəxsi istifadə üçün alınan balığın bu şəkildə daşınması yolverilməzdir. Satıcılar, bu şəkildə daşınan balığın bir sıra fəsadlarının ola biləcəyini deyirlər.

Bu, həm də yükdaşıma qaydalarının pozulmasıdır.

Yol hərəkəti üzrə ekspert Elməddin Muradlı ehtimal edir ki, sürücü həddindən artıq balıq həvəskarıdır. Ona görə də tutduğu balığı bu şəkildə nümayiş etdirmə üsulunu seçib. Amma istənilən halda balığın bu formada daşınması inzibati xətadır.

İnzibati Xətalar Məcəlləsinə görə, belə qayda pozan sürücülər 40 manat cərimə edilməlidir.