Ermənistan Silahlı Qüvvələrinin Baş Qərargah rəisi Artak Davtyan istefa verib.

Unikal.org xəbər verir ki, onun işdən çıxmasına səbəb kimi koronavirus pandemiyası dövründə karantin rejimi qaydalarını pozaraq oğluna toy etməsi göstərilir. 

Belə ki, ölkədə fövqəladə vəziyyət olmasına baxmayaraq, təşkil olunan toy mərasimində 100-dən çox qonaq iştirak edib. Koronavirus pandemiyası ilə üzləşən ölkədə Baş Qərargah rəisinin bu addımı Ermənistan ictimaiyyətində rezonans doğurub. 

Qeyd edək ki, A.Davtyan 2018-ci il mayın 24-də Ermənistan Silahlı Qüvvələrinin Baş Qərargah rəisi təyin edilmişdi.