"Azad Azərbaycan" televiziyasının efirində karantin qaydalarının pozulduğunu əks etdirən görüntülər yayılıb.

Unikal.org xəbər verir ki, sosial izolyasiya qaydalarının tətbiqindən öncə çəkildiyi iddia olunan "Zaurla Günaydın" verilişində qonaq olan Xalq artisti Məleykə Əsədovanın tibbi maska taxması ictimaiyyət tərəfindən birmənalı qarşılanmayıb.

Verilişin sosial izolyasiya qaydalarının tətbiqindən öncə çəkildiyi halda, qonaqlardan birinin tibbi maska taxması ictimaiyyətdə sual doğurub. Telekanal sosial şəbəkə istifadəçiləri tərəfindən karantini pozduğuna görə tənqid edilib.

Qeyd edək ki, ölkə ərazisində ictimai yerlərdə, o cümlədən küçələrdə, bulvarlarda 5 nəfərdən artıq qruplarda cəmləşmək qadağandır. Bundan başqa, qapalı məkanlarda qoruyucu maskalardan istifadə edilməsi məcburidir.