Yeni növ koronavirus (COVID-19) pandemiyası sonuncu deyil, buna görə dünya yeni bir pandemiyaya əvvəlcədən hazırlaşmalıdır.
Unikal.org xarici KİV-ə istinadən xəbər verir ki, bunu Cenevrədə keçirdiyi brifinqdə Ümumdünya Səhiyyə Təşkilatının (ÜST) Baş direktoru Tedros Adanom Gebreyesus deyib.
"Bu, son pandemiya deyil. Tarix bizə xəstəliklərin tüğyan etməsi və pandemiyaların əslində həyatın bir parçası olduğunu öyrədir. Növbəti pandemiya gələndə dünya bu dəfə buna daha yaxşı dərəcədə hazır olmalıdır", - deyə ÜST rəhbəri bildirib.
