İranda ötən sutka ərzində 129 nəfər koronavirusdan (COVID-19) ölüb.

Unikal.org-un məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.

S.Sadat Larinin sözlərinə görə, bununla da İranda bu virusdan ölənlərin sayı 22 798 nəfərə yüksəlib.

Nazirlik rəsmisi deyib ki, İranda ötən 24 saat ərzində 2 063 nəfər koronavirusa yoluxub. Beləliklə İranda bu virusa yoluxanların sayı 395 488 nəfərə çatıb. Virus daşıyıcılarından 3 728 nəfərin vəziyyəti ağırdır.