2021-ci il üçün BMT-nin büdcəsi təxminən 3 milyard ABŞ dolları təşkil edəcək.

Unikal.org xəbər verir ki, bu rəqəmlər BMT-nin Baş katibi Antonio Quterreş tərəfindən təqdim edilən layihədə yer alıb.

“Qarşımıza qoyulan bütün tapşırıqları yerinə yetirmək üçün 2,99 milyard ABŞ dollarına ehtiyacımız var. Bu, 2020-ci illə müqayisədə 2,8 faiz azdır. Mövcud büdcə qaydalarına uyğun olaraq, əlavə 49,2 milyon ABŞ dolları yeni büdcəyə daxil olan vəsaitləri təmsil edir və beləliklə ümumi tələblər 3,04 milyard ABŞ dolları dollar təşkil edəcək” deyə, o bildirib.

Xüsusi siyasi tapşırıqlar üçün xərclər 2020-ci ilə nisbətən 5 milyon ABŞ dolları azalaraq 707 milyon ABŞ dolları təşkil edəcək.

BMT baş katibi qeyd edib ki, təqdim olunan layihədə bir sıra yeni təşəbbüslər əks olunub. Xüsusilə, BMT-nin rabitə sahəsində yeni strategiyasının həyata keçirilməsinə 1,9 milyon ABŞ dollarının xərclənməsi təklif olunur.

“Belə ki, BMT-dən koronavirus pandemiyası ilə bağlı etibarlı məlumat almaq istəyənlərin olduğunu göstərdi. Böhran idarəçiliyi ilə məşğul olan işçilərin hazırlanması üçün isə 0,7 milyon ABŞ dolları, eyni zamanda informasiya şəbəkələrini genişləndirmək və onları qorumaq üçün eyni məbləğdə pul istənilir”.