Ermənistanda baş nazir Nikol Paşinyana qarşı etirazlar davam edir.

Unikal.org xəbər verir ki,  baş nazirin istefasını tələb edənlər arasında Ermənistanın Masis şəhərinin meri David Ambartsumyan da var. O bildirib ki, ölkənin üzləşdiyi fəlakətli vəziyyətin yeganə günahkarı Nikol Paşinyandır.

"Yeganə təqsirkar avantürist qrupu ilə birlikdə baş nazir Nikol Paşinyandır. Mən sizin hamınızı milli qurtuluşa birgə başlamaq üçün onun istefasını tələb edən icmalara qoşulmağa çağırıram", - deyə şəhər meri “Facebook” səhifəsində vətəndaşlara çağırış edib.