İraqın paytaxtı Bağdadda Yeni il bayramı günlərində terror aktı planlaşdıran terrorçu-intiharçı təhlükəsizlik qüvvələri tərəfindən saxlanılıb.

Unikal.org "TASS"a istinadən xəbər verir ki, təhlükəsizlik qüvvələrinin xüsusi əməliyyatı zamanı 4 terrorçu saxlanılıb. Məlumata əsasən, onlardan biri Yeni il bayramı zamanı özünü Bağdad şəhərinin mərkəzində partlatmağı planlaşdırırmış.

Bildirilir ki, terrorçular dindirmə zamanı Yeni il bayramında paytaxtda "sabitliyi pozmaq üçün təlimat aldıqlarını" etiraf ediblər.