Futbol üzrə İtaliya A Seriyasında XXI turun mərkəzi görüşü "Yuventus" və "Roma" komandaları arasında keçirilib.
Unikal.org-un məlumatına görə, Turindəki "Alyants" stadionunda təşkil olunmuş qarşılaşma meydan sahiblərinin qələbəsi ilə yekunlaşıb - 2:0. Hesabı 13-cü dəqiqədə Kriştianu Ronaldu açıb. Bu, portuqaliyalı hücumçunun 30 yaşından sonra vurduğu 300-cü qol kimi tarixə düşüb. Hazırda 36 yaşlı forvardın aktivində 763 top var.
70-ci dəqiqədə isə qonaq komandanın futbolçusu Rojer İbanyes topu öz qapısına göndərib.
Bu qələbə sayəsində 20 oyundan 42 xal yığan "Yuventus" 3-cü pilləyə yüksəlib. 21 oyundan 40 xala malik "Roma" isə 4-cü pilləyə enib.
