Mərakeşin Aralıq dənizi və Atlantik okeanı sahillərində patrul xidməti aparan "Kral Hərbi Dəniz Qüvvələri"nin bölmələri 19-23 avqust tarixlərində 438 qanunsuz miqrantı batmaqdan xilas edib.

Unikal.org "TASS"a istinadən xəbər verir ki, miqrantların əksəriyyəti Səhrayanı Afrika ölkələrindəndir.

Məlumata görə, xilas edilənlər arasında üç Banqladeş vətəndaşı və bir türk də var. Miqrantlar gəmi ilə yolu keçməyə çalışsalar da, çətinliklərlə üzləşiblər:

"Xilas edilən bütün miqrantlara donanma gəmilərində ilkin tibbi yardım göstərildi, sonra sağ-salamat Mərakeş limanlarına çatdırılaraq, jandarma zabitlərinə təhvil verildilər".

Ağarza Elçinoğlu