Əfqanıstanın cənubunda əməlliyatda olan Britaniyanın SAS ( Xüsusi Aviadesant Xidməti) qrupu Kabil hava limanına qayıtmaq üçün çadraya bürünməli olub.

Unikal.org "The Sunday Express"ə istinadən xəbər verir ki, bu yolla onların talibləri aldatdığı bildirilib.

20 nəfərlik xüsusi təyinatlı qrupa hadisə yerindən təxliyə üçün helikopterin göndərilməyəci barədə xəbərdarlıq olunub. Onların ölkədən çıxmaq üçün Kabil aeroportuna gəlməli olduqları qeyd edilib.

Bu məqsədlə də döyüşçülər qadın geyimi geyib və 5 ədəd taksi əldə ediblər. Onlar yeni "Taliban" hakimiyyətini salamlamaq adı ilə Kabilə getdiklərini bildirərək hərəkat silahlılarını aldatmaqla paytaxta çatıblar.