Taliban Əfqanıstanda hakimiyyətə gəldikdən sonra ölkədə KİV-lərin 70%-i maliyyə probleminə görə fəaliyyətini dayandırıb.

Unikal.org xəbər verir ki, bu barədə Əfqanıstan Milli Jurnalistlər Birliyi məlumat yayıb.

Bildirilib ki, bu, ölkənin 28 əyalətində 1 500 əfqan jurnalistin iştirak etdiyi araşdırma zamanı məlum olub.

"Əfqanıstan jurnalistlərinin 67%-i işini itirib, 33%-i isə təzyiq altında və çətin vəziyyətdə işləyir. İşləyən yerli KİV -lərin çoxu ağır maliyyə sıxıntısı yaşayır", - deyə qeyd olunub.

Məlumata görə, əfqan jurnalistlərin 40 faizi təhlükəsizliyindən narahatdır, qalanları işlərini itirdikləri üçün çətin yaşayır.