Azərbaycan Meliorasiya və Su Təsərrüfatı ASC-də sədr müavini Zakir Quliyevin rəhbərliyi ilə əkin sahələrinin su təminatı, bu ilin yekunları və gələn ilə hazırlıq mövzusunda növbəti videokonfrans keçirilib.
Azərbaycan Meliorasiya və Su Təsərrüfatı Açıq Səhmdar Cəmiyyətinin mətbuat katibi Dilqəm Şərifov "Unikal"a bildirib ki, konfransda Suvarma Sistemləri, Su Anbarları, Hidroqovşaqlar və Magistral Kanalların İstismarı idarələrinin rəhbər işçiləri ilə su bölgüsü, bu ilin yekunları və gələn ilə hazırlıqla bağlı müzakirələr aparılıb. Videokonfransda Səhmdar Cəmiyyətin aidiyyəti şöbə müdirləri və mütəxəssisləri iştirak edib.
İclasda Səhmdar Cəmiyyətin sədr müavini Zakir Quliyev ölkə başçısı tərəfindən qarşıya qoyulmuş məqsəd və tapşırıqların vaxtında və operativ yerinə yetirilməsi ilə bağlı müzakirələr aparıb və əkin sahələrinin suvarma suyu ilə təmin olunması ilə bağlı müvafiq tapşırıqlar verib.