Dünya mediasının əsas diqqəti Rusiyanın Ukraynaya qarşı fevralın 24-ü səhər tezdən Rusiya qoşunlarının Ukraynanın müxtəlif bölgələrini atəşə tutması ilə başlayan müharibəsinə yönəlib. Beynəlxalq mediaya baxışımızda Vladimir Zelenski qeyri-ixtiyari olaraq hazırlaşmadığı rolu alıb Rusiya prezidentinin reallıqla nə qədər əlaqə saxladığını və İngiltərənin hələ də sanksiyalar tətbiq etməkdə niyə ehtiyatlı davrandığını öyrənib. 

"Unikal"  "New York Times" gündəlik qəzetinin yazısını təqdim edir: 

“Vladimir  Zelenski, demək olar ki, heç kimin ondan gözləmədiyi bir rol oynayır: Ukraynanın müharibə dövründəki prezidenti rolunu... Və deyəsən, onun həyatının əsas şousu rus qoşunlarının işğala hazırlaşdığı bir vaxtda baş verib. Müharibə onu, keçmiş komediyaçı və aktyoru, ukraynalıların ətrafında toplaşdığı müharibə liderinə  çevirdi. 

Onun dramatik Münhen Təhlükəsizlik Konfransındakı çıxışı, burada Avropalı müttəfiqlərinə Rusiyanı “sakitləşdirmək”lə bağlı xəbərdarlıq etməsi Zelenskiyə hətta tərəfdarları arasında belə olmayan bir şey verdi: "Səlahiyyət".  

İndi prezident Zelenski ölkəsinin yaxın tarixinin ən böyük böhranı və prezident Putinlə üz-üzədir.

Təbii ki, ukraynalıların üstünlük təşkil edən Rusiya qüvvələrinə qarşı nə qədər dayana biləcəkləri və Zelenskinin hazırlaşmadığı rolu oynamağa davam edib-etməyəcəyi bəlli deyil.

Zelenskinin komediya serialındakı prezident rolundan başqa siyasətdə təcrübəsi yox idi. O, hakimiyyətdəki oliqarxlara qarşı mübarizə aparmaq və Ukraynanı nə “Qərbin korrupsioner tərəfdaşı”, nə də “Rusiyanın kiçik bacısı” adlandırmaq mümkün olmayan ölkəyə çevirmək kimi populist vədlərlə qalib gəlib. Seçicilər üçün Zelenski “şərqi Ukraynadan olan rusdilli, biznesini rus dilində aparan bir adam idi”.

Onun ən güclü dəstəyi Ukraynanın cənub və şərqindən, o cümlədən münaqişədən təsirlənən Donetsk və Luqansk vilayətlərindən gəldi, bəziləri müstəqilliyi Vladimir Putin tərəfindən tanınan iki anklavın bir hissəsidir. Rusiya isə ondan rusiyayönlü siyasət aparacağını gözləyirdi. Amma o, rus şərtləri ilə oynamaq istəmirdi. Şərqdən gələn rusdilli insan tipik Ukrayna vətənpərvərinə çevrildi. Və bunda Zelenskinin yolu səkkiz ildir Rusiyanın dəstəklədiyi separatçılarla silahlı münaqişə vəziyyətində olan ölkəsinin keçdiyi yolu əks etdirir. Bu illər ərzində onlar demokratiyaya inamları və qərbyönlü oriyentasiyaları ilə birlikdə dilləri və tarixləri ilə fəxr ediblər. Və Rusiyaya inam və Vladimir Putinin avtoritar hökumətinə hörmət xeyli azalıb".