Rusiyanın “Pervıy” kanalının canlı efirində yayımlanan “Vremya” verilişində "Müharibəyə yox!" plakatı açan Marina Ovsyannikova sərbəst buraxılıb.

"Unikal" xəbər verir ki, kanalın redaktoru vəzifəsində çalışan Marina 30 min rubl məbləğində cərimələnib.

Qeyd edək ki, Marina Ovsyannikova ötən gün “Vremya” verilişində Ukraynadakı müharibəyə etiraz edib. Onun canlı yayım zamanı əlində tutduğu plakatın üzərində “Müharibəyə yox! Təbliğatlara inanmayın! Burada sizə yalan danışırlar!” sözləri yazılıb.

Məlum hadisə dünya arenasında böyük rezonans doğurub. Marina məlum insident səbəbindən saxlanılıb.