Braziliya çempionatının "Nova Venezia" və "Desportiva Ferroviaria" klubları arasında keçirilən oyununda xoşagəlməz hadisə yaşanıb.

"Unikal" xarici KİV-ə istinadən xəbər verir ki, qonaq komandanın baş məşqçisi Rafael Soriano fasilə zamanı meydançaya qaçaraq hakimlər briqadasının işindən narazılığını bildirib. O, emosiyalarını saxlaya bilməyib və başı ilə yan xətt hakimi Marselli Nettonun üzünə zərbə endirib. Zərbə qadın hakimin burnuna dəyib. 

Soriano isə birbaşa qırmızı vərəqə alıb və polis əməkdaşlarının müşayiəti ilə meydanı tərk edib.