Əli Həsənov Gülün Serj Sarkisyanı təbrik etməsindən danışdı

“Ermənistan-Azərbaycan münaqişəsi həll olunmayınca, işğalçı ordu Azərbaycan torpaqlarımızı tərk etməyincə və ərazi bütövlüyümüz bərpa olunmayınca, işğalçı rejimə verilən istənilən dəstəyə Azərbaycan xalqı olduqca həssas yanaşır”.

Bu barədə Prezident Administrasiyasının ictimai-siyasi məsələlər şöbəsinin müdiri Əli Həsənov Türkiyə prezidenti Abdullah Gülün Serj Sarkisyanı yenidən Ermənistan prezidenti seçilməsi münasibətilə təbrik etməsinə münasibət bildirərkən deyib.

O bildirib ki, Azərbaycan bütün səviyyələrdə - istər parlament, istər ictimaiyyət, istərsə də mətbuat və QHT-lər səviyyəsində Ermənistanla təmaslara, işğalçı rejimin hər hansı formada dəstəklənməsinə bütövlükdə etiraz edir: “Bu, Azərbaycan xalqının, türk ictimaiyyətinin tələbidir. Sərhədlərin açılması ərəfəsində Azərbaycan və Türkiyə ictimaiyyəti öz hakimiyyətlərinə təzyiqlər göstərdilər və işğalçı rejim işğala son qoymayana qədər beynəlxalq aləmdə bu rejimin qol-qanad açmasına yolverilməzliyini bəyan etdilər”.

Əli Həsənov Gülün Serj Sarkisyanı təbrik etməsindən danışdı