Rus işğalçıları Luqansk vilayətinin Severodonetsk rayonunda işğal altındakı Kreminna şəhərindən qaçmağa çalışan insanları güllələyirlər.
"Unikal" xəbər verir ki, bu barədə Luqansk vilayət hərbi administrasiyasının rəhbəri Sergey Qaydai məlumat yayıb.
"Aprelin 18-də səhər saatlarında Kremin sakinləri öz maşınları ilə təxliyyə etməyə çalışıblar. Ruslar mülki şəxslərin olduğu avtomobili atəşə tutublar. 4 nəfər həlak olub. Ağır yaralanan 1 nəfər hələ də hadisə yerindədir", - deyə o bildirib.
Qaydai həmçinin Kreminna şəhərindən dinc sakinləri evakuasiya etməyin mümkün olmadığını dilə gətirib.
