Ukraynanın Rovenskaya vilayətində sərnişin avtobusu, minik avtomobili və yanacaq daşıyan avtomobilin iştirakı ilə ağır yol-nəqliyyat hadisəsi baş verib.

"Unikal" xarici mətbuata istinadən xəbər verir ki, toqquşma nəticəsində 16 nəfər ölüb, daha 10 nəfər yaralanıb.

Qəza yerli vaxtla təxminən 19:20 radələrində baş verib. İlkin ehtimala görə, öncə yanacaq daşıyan avtomobil beynəlxalq sərnişindaşımaları həyata keçirən avtobusla toqquşub, toqquşmanın gücündən yanğın başlayıb.

Hazırda hadisə yerinə müvafiq qurumların əməkdaşları cəlb olunub.