“Yuventus”un yarımmüdafiəçisi Artur Melo yayda komandasını dəyişmək niyyətindədir.

"Unikal" xarici KİV-ə istinadən xəbər verir ki, 25 yaşlı futbolçu rəhbərliklə görüşündə Turin klubundan ayrılmaq istədiyini bildirib.

Braziliya millisinin üzvü “qoca sinyora”nın baş məşqçisi Massimiliano Alleqrinin planlarına daxil deyil. Artur qış fasiləsində “Arsenal”a keçə bilərdi. Ancaq londonluların birdəfəlik transfer etmək şərti ilə icarəyə götürmək istəyini italyanlar qəbul etməyiblər.

Qeyd edək ki, Artur bu mövsüm A seriyasında 20 oyun keçirib.