İtaliyanın Ankaradakı səfiri Corcio Marrapodi Romada keçirilən PKK nümayişi ilə əlaqədar Türkiyənin Xarici İşlər Nazirliyinə çağırılıb.

"Unikal" xəbər verir ki, səfirə Türkiyə tərəfinin hadisə ilə bağlı narazılığı çatdırılıb.

Görüşdə həmçinin PKK təbliğatının ictimai sahəyə sıçraması, QHT adı altında fəaliyyət göstərməsi, terrorçuların liderinə İtaliya bələdiyyələri tərəfindən fəxri vətəndaşlıq verilməsindən yaranan narahatlıq ifadə edilib.

Bundan əlavə, terror təşkilatı və onun havadarlarının bu cür əməllərinin qarşısının alınması tələbləri təkrarlanıb, İtaliya hökumətinin terrorla mübarizədə məsuliyyəti vurğulanıb.