COVID-19 peyvəndi istehsalçılarından biri olan Moderna bu gün mətbuata açıqlamasında ABŞ və Almaniyada Pfizer və BioNTech şirkətlərinə qarşı patent pozuntusu iddiası açdığını açıqlayıb.

"Unikal" xəbər verir ki, Moderna, iki şirkətin COVID-19 peyvəndini icazəsiz öz MRNA texnologiyasından istifadə edərək və qeyri-qanuni surətdə çıxararaq istehsal etdiyini iddia edir.

 ABŞ-da yerləşən biotexnologiya şirkəti Moderna 2010-2016-cı illər arasında inkişaf etdirdikləri əsas MRNA texnologiyasının peyvənd hazırlamaq üçün Pfizer və BioNTech tərəfindən icazəsiz kopyalandığını iddia edib. İddialar ABŞ-ın Massaçusets dairə məhkəməsinə və Almaniyanın Düsseldorf dairə məhkəməsinə verilib.

“Biz bu iddiaları COVID-19 epidemiyasından əvvəl on il ərzində kəşf etdiyimiz, aşkara çıxarmaq üçün milyardlarla dollar sərmayə qoyduğumuz və patentləşdirdiyimiz innovativ MRNA texnologiya platformasını qorumaq üçün veririk. “Bu əsas platformanı biz qurmağa başladıq, epidemiyadan sonra rekord müddətdə təhlükəsiz və yüksək effektiv COVID-19 peyvəndi istehsal etməyə imkan verdik"-deyə Moderna şirkətinin baş direktoru Stefan Bansel bildirib.