Dağıstan müftisinin müşaviri Ayna Qamzatovanın Rusiya prezidenti Vladimir Putinə Rusiya regionunun sakinlərinə qismən səfərbərlikdən və digər müraciətlərdən möhlət verilməsi xahişi ilə müraciətinə Kreml hələ də baxmayıb.

"Unikal" RİA Novosti-yə istinadən xəbər verir ki, bu barədə dövlət başçısının mətbuat katibi Dmitri Peskov məlumat verib.

Qeyd edək ki, Qamzatova Vladimir Putindən respublika sakinləri üçün səfərbərliyə möhlət verilməsini istəyib. O, məktubunu Telegram kanalında yerləşdirib.

Onun sözlərinə görə, altı ay ərzində respublika dağıstanlıları təlim mərkəzlərində peşəkar şəkildə öyrədə biləcək. O, Çeçenistan rəhbəri Ramzan Kadırovun “uzun illər ərzində respublikada döyüşçüləri bacarıqla və sədaqətlə yetişdirən, səhra təlim bazası üçün lazımi şərait yaradan” təcrübəsinə toxunub.

Xatırladaq ki, Putin sentyabrın 21-də Rusiyada qismən səfərbərlik elan edib. 

Ramil Zeynallı