Lənkəranda dini icma rəhbəri intihar edib.

"Unikal" xəbər verir ki, hadisə rayonun Qurumba kənd məscidinin ərazisində baş verib.

Belə ki, kənd məscidi dini icmasının sədri Hacıhəsən Babayev məscidin həyətində olan yardımçı tikilidə özünü asaraq intihar edib. O, intihar etməzdən əvvəl məktub yazaraq heç kəsin günahının olmadığını bildirib.

Hüquq-mühafizə orqanları əməkdaşları hadisə yerinə baxış keçirib. Meyit müayinə olunması üçün Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib.

Faktla bağlı Rayon Prokurorluğunda araşdırma aparılır.