Qazax rayonunda son üç ayda  700  sakin sahibsiz itlərin hucumuna məruz qalıb.

"Unikal"ın məlumatına görə, sonuncu belə hadisə Qazax şəhərində baş verib. Gündüz saatlarında küçə ilə hərəkət edən yaşlı qadına  sahibsiz  itlər hücum edib. Yaxınlıqdakı insanlar qadını küçə itlərinin əlindən zorla alıb və  xəstəxanaya yerləşdiriblər. Qadının vəziyyəti kafidir. 

Sakinlərin sözlərinə görə Qazax rayonunda sahibsiz itlərin sayı günbə-gün artmaqdadır. Küçələrdə itlərin sayı çoxaldığından it dişləməsi faktları da artıb. Təkcə  son 3 ay  ərzində   700 ə yaxın  sakin sahibsiz itlərin hucumuna məruz  qalıb.  Qazax Rayon Mərkəzi Xəstəxanasından verilən məlumata görə it dişləməsi diaqnozu ilə xəstəxanaya müraciətlər artıq gündəlik hal alıb. Sakinlər sahibsiz itlərin artmasına səbəb kimi rayon ərazisində zibil qablarının azlığını göstərirlər. Belə ki, toplanan zibillər həmdə itlərin yem mənbəyi  rolunu oynayır. 

Tural Əhmədov