İranın xarici işlər naziri Hüseyn Əmir Abdullahian və İraq xarici işlər naziri Fəvad Hüseyn arasında telefon danışığı olub.

"Unikal" xəbər verir ki, bu barədə İran Xarici İşlər Nazirliyinin mətbuat xidməti məlumat yayıb.

Bildirilib ki, telefon danışığı zamanı Hüseyn Əmir Abdullahian iraqlı həmkarı Fəvad Hüseyn ilə ikitərəfli münasibətlər, regionda son baş verənlər , regionda təhlükəsizlik və sabitliyin qorunmasının vacibliyi , terrorizmlə mübarizə də daxil olmaqla bir sıra mövzularda məsləhətləşib və fikir mübadiləsi aparıblar.

İraq xarici işlər naziri Tehran və Ər-Riyad arasında əlaqələrin bərpasından məmnunluğunu ifadə edib, İraq prezidenti Əbdül Lətif Rəşidin İrana səfər edəcəyini açıqlayıb.