Pandemiya başlayan 2020-ci ildən bəri ən azı 20 milyon insanın COVID-19-dan öldüb.

"Unikal" xəbər verir ki, bu barədə Ümumdünya Səhiyyə Təşkilatının rəhbəri Tedros Adhanom Ghebreyesus bildirib. 

Onun sözlərinə görə, rəsmi rəqəmlərə görə, 2020-ci ildən bəri təxminən 7 milyon insan koronavirusdan ölüb, lakin real rəqəmlər bundan qat-qat yüksəkdir. "Biz ən azı 20 milyon ölüdən danışırıq" deyə Ghebreyesus qeyd edib.

Daha əvvəl ÜST aprelin 3-dən aprelin 30-dək dünyada təxminən 2,8 milyon insanın koronavirusa yoluxduğunu, 17 mindən çox insanın dünyasını dəyişdiyini bildirmişdi. Ölənlərin sayı əvvəlki dörd həftə ilə müqayisədə 30% azalıb.

Mayın 3-nə olan məlumata görə, ÜST pandemiyanın başlanğıcından bəri 765,2 milyon insanın koronavirusa yoluxması və 6,9 milyon insanın ölümü barədə məlumat alıb.