9 mayda keçiriləcək Qələbə Günü paradında təhlükəsizliyin təmin edilməsi üçün bütün lazımi tədbirlər görülür.

"Unikal" xəbər verir ki, bunu Kremlin mətbuat katibi Dmitri Peskov "Birinci Kanal"ın efirində bildirib.

Peskov qeyd edib ki, xarici qonaqların və Rusiya liderinin də həmin paradı izləməsi səbəbi ilə təhlükəsizliyin təmin edilməsi üçün bütün addımlar atılır.

Xatırladaq ki, 9 May - Qələbə Günü münasibətilə keçiriləcək paradı izləmək üçün bir sıra MDB dövlət başçıları Moskvaya səfərə gedib.