İranda ötən ilin oktyabrında Şah Çərəx məqbərəsində törədilən terror aktının iki iştirakçısı edam edilib.

“Unikal” xəbər verir ki, bu barədə “Tasnim” agentliyi məlumat yayıb.

"Bu gün səhər Şirazda hüquqi rəsmiləşdirmələr başa çatdıqdan sonra Şah Çərəx məqbərəsində terror aktı törətmiş iki şəxs barəsində hökm çıxarılıb. Bu iki şəxs asılaraq edam edilib", - məlumatda deyilir.

Xatırladaq ki, 2022-ci il oktyabrın sonunda 5 naməlum şəxs Şah Çərəx məqbərəsinin ərazisinə atəş açıb. Terrorçulardan biri hücum gecəsi saxlanılıb. Daha sonra İran mediası hücum edənlərin İran vətəndaşı olmadığını bildirib. 

Nuranə Abbasova