Rusiya prezidenti Vladimir Putin Nüvə Sınaqlarının Hərtərəfli Qadağası Müqavilənin ratifikasiyasını ləğv edən qanunu imzalayıb. 

"Unikal" xəbər verir ki, bu barədə TASS agentliyi məlumat yayıb. 

Nüvə Sınaqlarının Hərtərəfli Qadağası Müqaviləsi 1996-cı ildə BMT Baş Assambleyası tərəfindən qəbul edilib. Sənəd dinc məqsədlər də daxil olmaqla nüvə partlayışlarını qadağan edir.

Daha əvvəl Putinin mətbuat katibi Dmitri Peskov bildirmişdi ki, ratifikasiyadan imtina Rusiya Federasiyasının nüvə sınaqları keçirmək niyyətində olması demək deyil. Rusiya Dövlət Dumasının Beynəlxalq Əlaqələr Komitəsinin rəhbəri Leonid Slutski izah edib ki, Rusiya sazişdən çıxmır, yalnız ratifikasiya sənədini geri götürür.

Ağarza Elçinoğlu