Qəzzadakı münaqişədən sonra İsrail üçün tribunal yaradıla bilər.

"Unikal" xəbər verir ki, bu barədə Federasiya Şurası məlumat yayıb. 

Federasiya Şurasının beynəlxalq komitəsində güman edilir ki, münaqişə başa çatdıqdan sonra İDF-nin hərbi hərəkətləri faktı beynəlxalq səviyyədə araşdırılacaq. Amma çox şey Avropa və ABŞ-ın mövqeyindən asılı olacaq: 
“Əgər nə vaxtsa Vaşinqton üçün İsraildən üz döndərmək faydalı olarsa, onlar bunu edəcəklər, yoxsa, heç bir hüquqi proses olmayacaq”, - senator Sergey Tsekov bildirib.

Bundan öncə Britaniya və İsrail KİV-ləri İsrailin Qəzza zolağına zərbələr endirmək və hədəfləri seçmək üçün “İncil” süni intellekt sisteminə arxalandığını yazıb. AI HƏMAS üzvlərinin və digər qrupların yaşaya biləcəyi evlərin hərbi koordinatlarını təklif edir, lakin zərbə qərarı hərbçilər tərəfindən verilir. Mütəxəssislər xəbərdarlıq ediblər ki, bununla operatorlar mülki şəxslərə dəyən zərər riskini qiymətləndirmək imkanlarını itirirlər.