Şəkidə avtomobil ağaca çırpılıb, xəsarət alanlar var

"Unikal" xəbər verir ki, hadisə Qaraməryəm-İsmayıllı-Şəki avtomobil yolunda, rayonun Qırxbulaq kəndi ərazisindən keçən hissəsində baş verib.

Belə ki, Cabbarov Maarif Rüfət oğlunun idarə etdiyi "Mercedes" markalı minik avtomobili yoldan çıxaraq ağaca çırpılıb. Nəticədə sürücü və onun sərnişini, Cəlal Yaqub oğlu Haqverdiyev müxtəlif dərəcəli bədən xəsarətləri alaraq Şəki Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.

Seymur Əli