Xəbər verdiyimiz kimi, Ermənistan Daxili İşlər Nazirliyi axtarışa verdiyi Kamil Zeynallı ilə bağlı prosesləri davam etdirir. 

"Unikal" erməni KİV-ə istinadən xəbər verir ki, bu gün Ermənistan DİN Baş Prokurorluğa Kamil Zeynallının Ermənistana təhvil verilməsi ilə bağlı sənədlər paketini təhvil verib. 

Sözügedən paket Ermənistan Baş Prokurorluğu tərəfindən tərtib edilmiş ekstradisiya ərizəsi ilə birlikdə bir neçə saat əvvəl Rusiya Federasiyasının Baş Prokurorluğuna göndərilib.

Qeyd edək ki, idmançı artıq sərbəst buraxılıb, hazırda Vətəndədir. 

***12:42

Fevralın 21-i günortadan sonra Ermənistan Daxili İşlər Nazirliyi Rusiyadan Ermənistan tərəfindən axtarışda olan azərbaycanlı Kamil Zeynallının tapılması ilə bağlı rəsmi məktub alıb.

"Unikal" erməni KİV-ə istinadən xəbər verir ki, bu barədə Daxili İşlər Nazirliyinin mətbuat katibi Narek Sarkisyan açıqlayıb.

Qeyd olunub ki, onlardan axtarış faktının yenidən təsdiqlənməsi xahiş olunub: "Buna cavab olaraq axtarışa başlayan bölmə dərhal sözügedən şəxsin dövlətlərarası axtarışda olduğunu təsdiqləyib və bundan sonra həbs qətimkan tədbiri seçilib".

Sözçü onu da qeyd edib ki, Kamil Zeynallının azadlığa buraxılmasına baxmayaraq, Daxili İşlər Nazirliyi ekstradisiya protokolunda nəzərdə tutulmuş sənədlər paketini hazırlayıb və onların Rusiya hüquq-mühafizə orqanlarına təhvil verilməsi və gələcək ekstradisiya prosesi işlərinin təşkilində zəruri tədbirlərin görülməsi üçün Ermənistanın Baş Prokurorluğuna təqdim olunacaq. 

Ağarza Elçinoğlu