Deputat Fazil Mustafa Ağdamda tikiləcək stadiona "Qarabağ" futbol klubunun hazırkı baş məşqçisi Qurban Qurbanovun adının verilməsi təklifi ilə çıxış edib.

"Unikal" xəbər verir ki, millət vəkili bu barədə Milli Məclisin bu gün keçirilən plenar iclasında deyib.

Onun sözlərinə görə, belə hallar dünya təcrübəsində müşahidə edilib: "Dünən "Qarabağ"ın qələbəsi bizi sevindirdi. Bu səbəblə Ağdamda tikiləcək stadiona bizə bu sevinci yaşadan klubun baş məşqçisi Qurban Qurbanovun adının verilməsini təklif edirəm. Qurbanov illər sonra yerli klubu Avropa platformasına çıxardı, uğurlu nəticə göstərdi. Biz də onun üçün bu adıdmı ata bilərik".