Qubada dəm qazından boğulan hamilə qadın dünyasını dəyişib.

"Unikal" xəbər verir ki, hadisə martın 29-u günorta saatlarında baş verib. 26 yaşlı Quba şəhər sakini Niftəliyeva Fidan Habil qızı yaşadığı evin hamam otağında dəm qazından boğulub.

Fidan Niftəliyevanı hamamda qayınanası aşkarlayıb. Hadisə yerinə təcili-tibbi yardım briqadası çağırılsa da gənc qadının həyatını xilas etmək mümkün olmayıb.

Mərhum Fidan Niftəliyeva beş aylıq hamilə idi. Niftəliyevlər ailəsinin yaşyarımlıq əkiz oğlan övladları var.

Faktla bağlı araşdırma aparılır.