Tanınmış ABŞ nəşri Türkiyənin “Baykar Savunma” şirkətinin texniki direktoru, “Bayraqdar” pilotsuz uçuş aparatının (PUA) yaradıcısı Səlcuq Bayraqdar haqqında yazı dərc edib.
"Unikal" xəbər verir ki, bu barədə Amerikanın “The Wall Street Journal” jurnalı məlumat yayıb.
"Onun pilotsuz təyyarələri döyüş meydanında Ukraynaya kömək etdi. O, Türkiyənin növbəti lideri ola bilərmi?" başlıqlı məqalədə Bayraktarın Türkiyə prezidenti Rəcəb Tayyib Ərdoğanın varisi olmaq imkanları dəyərləndirilib.
Qəzet Bayraktarın Ərdoğanın qızı ilə evli olduğunu və Türkiyədə böyük şöhrət qazandığını vurğulayıb: "Bayraktar tərəfdarları sözügedən varislik ehtimalını nəzərdən keçirirlər. Türkiyəli ekspertlər də belə bir perspektivi istisna etmirlər. Bayraktarın özü bəyan edib ki, siyasətlə məşğul olmaq fikri yoxdur, lakin Türkiyə prezidenti vəzifəsinə namizədliyini irəli sürə bilər".
Ağarza Elçinoğlu
