Avropa Ukraynada sülhə nail olmaq üçün Kiyevi tam dəstəkləməli və “istənilən ssenariyə” hazır olmalıdır. 

“Unikal” xəbər verir ki, bunu Fransa prezidenti Emmanuel Makron deyib.

O, Almaniya prezidenti Frank-Valter Ştaynmayerlə görüşdən sonra müvafiq bəyanatla çıxış edib: 
"Biz Ukraynaya sonadək müqavimət göstərməsinə kömək etməliyik. Onu silahlandırmalıyıq, öyrətməliyik və beynəlxalq hüquq çərçivəsində uzunmüddətli sülhün qurulması üçün istənilən ssenariyə hazır olmalıyıq", - Makron bildirib.

Bundan əvvəl Makron Fransanın yaxın günlərdə və həftələrdə Kiyevə bir sıra silah tədarükü edəcəyini bildirmişdi.