Azərbaycan 2015-ci ilədək mövcud neft emalı kompleksinin inkişafını başa çatdıracaq
Azərbaycan Dövlət Neft Şirkəti (ARDNŞ) 2015-ci ilədək mövcud neft emalı kompleksinin inkişafı üzrə işləri başa çatdırmaq niyyətindədir. Bu barədə "Azərbaycan Dövlət Neft Şirkəti neft-qaz və neft-kimya Forumu"nda çıxış edən ARDNŞ-ın emal üzrə vitse-prezidenti David Məmmədov bildirib.
"Bu il biz Heydər Əliyev adına Bakı Neft Emalı Zavodunda ilkin neft emalı qurğusunun istehsal gücünün artırılması üzrə işlərə başlamaq niyyətindəyik və 2014-cü ildə bu işləri başa çatdırmağı planlaşdırırıq. Hazırda texniki-iqtisadi əsaslandırma hazırlanır. Podratçı şirkət seçilib, qısa müddət ərzində "Foster Wheeler" şirkəti ilə müqavilə imzalanacaq" - deyə D.Məmmədov qeyd edib.
Onun sözlərinə görə, bu il Heydər Əliyev adına Bakı Neft Emalı Zavodunda benzinin keyfiyyətinin artırılması işlərinə də başlanacaq: "Bu istiqamət üzrə layihə hazırlanır. Layihə 2014-cü ildə başa çatdırılacaq. Bununla əlaqədar UOP şirkəti ilə yaxın gələcəkdə müqavilə imzalanacaq. Eyni zamanda 2012-2013-cü illəri əhatə edəcək dizel yanacağının həcminin artırılması layihəsi də gündəmdədir. İndiyədək dizel yanacağının keyfiyyətinin yaxşılaşdırılması layihəsini başa çatdırmışıq. Hazırda bu yanacaq növü "Avro-2" standartlarına cavab verir".
D.Məmmədov "Azərneftyağ" zavodunda elektrik enerjisinin azaldılması istiqamətində rekonstruksiya işlərinin aparıldığını da vurğulayıb.
Digər Xəbərlər
2024-09-28 11:54:37
2024-09-28 11:14:41
2024-09-28 10:24:31
2024-09-27 20:59:59
2024-09-27 19:50:01
2024-09-27 19:41:15
2024-09-27 19:37:34
2024-09-27 19:33:09
2024-09-27 19:26:17
2024-09-27 19:06:44
2024-09-27 18:36:40
2024-09-27 18:24:50
2024-09-27 18:03:00
2024-09-27 18:00:00
2024-09-27 17:50:00
2024-09-27 17:43:04